«Татар-информ» ИА сайтыныннан скриншот
Мин үземнең туган татар телемне бик сагындым. Бу турыда XIII Халыкара мөселман кино фестивале барышында «Мулла» фильмын төшергән төркем белән иҗади очрашу вакытында Марат Бәшәров сөйләде, бу картинада ул да уйнаган иде. Аның әйтүе буенча, эшләгән иҗади еллары күп булса да, бу аның татар киносында беренче тапкыр төшүе.
«Бу картинада минем ролем зур түгел. Сценарийны укыганнан соң, төшерүнең беренче көненә килгәч, продюсерлардан, режиссердан миңа тагын һич югы бер генә сәгать бирегез, туган татар телемне бик сагынганмын икән, дидем. Минем биографиямдә 100ләгән картина, кызганычка каршы, аларның берсе генә дә татар картинасы түгел», – диде Марат.
Артист шулай ук туган Татарстаныннан күптән чакыру көткәнлеген, һәм менә ниһаять, аның тормышка ашканлыгын, әйтте.
«Аллага шөкер, ниһаять бу килеп чыкты, нәкъ менә шундый вакыйгаларда төшәргә чакырулары белән мин бик бәхетле. Мин моны классика дип исәплим, миңа тәкъдим булгач, зур куаныч белән риза булдым һәм миңа тагын берәр роль бирегез, мин тагын уйный алам, төшерү мәйданчыгыннан гына кумагыз, дип сорадым. «Марат, инде булды, рәхмәт сиңа», дип кенә әйтә күрмәгез. Мин тагын төшәргә телим, тагын, тагын һәм тагын төшәргә», – дип сүзен тәмамлады Бәшәров.
06.09.2017
© Мәкаләгә (яңалыклар) бөтен хокуклар татар интернет-журналы «Кара Аккош»ка карый (karaakkosh.com). Язманы тулысынча яки өлешчә күчереп алганда татар-интернет журналы «Кара Аккош»ка (karaakkosh.com) туры сылтама кую мәҗбүри.
|
