«Казинформ» ХИА сайтының скриншоты
Төрки телләр глобальләшү чорында юкка чыгарлар шикелле. Бу шөбһәле хәбәрне «Бөек дала» ІІ Халыкара гуманитар фәннәр форумы тәнәфесләрендә Төркиянең ЮНЕСКО эшләре буенча комиссия рәисе Оджал Огуз әйтте, дип хәбәр итә «Казанинформ» ХИА.
Аның әйтүе буенча, киләчәктә телләрне үлемнән саклап калу өчен төрки телле халыкларга һичшиксез берләшергә кирәк, төрки телләр икътисадый, социаль бәйләнешләр, халыкара берләшмәләр тормышында үзара кулланышка керсәләр дә, юкка чыгу куркынычы барыбер саклана.
«Беләсез бит,nБМОда алты тел кулланыла: инглиз, француз, испан, гарәп, кытай һәм рус. Халыкара фәнни берләшмә шушы алтылыкка кермәгән башка телләрнең киләчәге өчен борчыла. Алардан башка тагын 5-10 тел калыр, калганнары глобальләшү процессында юкка чыгарлар, мөгаен. Төрки телләргә сакланып калу өчен үзара якынаерга һәм аңлашырга кирәк», — диде ул.
Белгечләр әйтүенчә, бүген төрки телләр дөньясында: башкорт, татар, казах, төрек һ.б. күпләгән телләрдә якынча 300 миллион кеше сөйләшә.
27.05.2017
© Мәкаләгә (яңалыклар) бөтен хокуклар татар интернет-журналы «Кара Аккош»ка карый (karaakkosh.com). Язманы тулысынча яки өлешчә күчереп алганда татар-интернет журналы «Кара Аккош»ка (karaakkosh.com) туры сылтама кую мәҗбүри.
|
