2015 елның 11 августында Бразилия шәһәре Сан-Паулуда WorldSkills International конференциясендә, ике раундлы тавыш бирүдән соң, Казан 2019 елда дөньякүләм эшче һөнәрләр чемпионатын кабул итү хокукын алды.
Чемпионатны кабул итү өчен барган көрәштә Казаныбыздан тыш Франциянең Париж һәм Бельгиянең Шарлеруа шәһәрләре катнашты, әмма WSIда катнашучы илләренең әгъзалары кандидатларны финалда тәкъдим иткәннән соң, өстенлекне Татарстан башкаласына бирделәр.
Бу чараның эшлекле өлеше тәмамланганнан соң, Казанда чемпионатның рәсми сайты - worldskillskazan2019.org эшли башлады.
«Кара Аккош» интернет-журналының кыска белешмәсе:
WorldSkills International (WSI) – коммерцияле булмаган халыкара хәрәкәт, ул 1946 елда барлыкка килә; аның төп максатларының берсе һөнәри белем һәм эшче һөнәрен дөньякүләм дәрәҗәгә күтәрү. Ике елга бер тапкыр WSI 16 яшьтән 25 яшькә кадәр булган яшьләр арасында чемпионатлар уздыра, анда төрле ярышларда эшче һөнәрләре арасында иң-иң яхшыларын ачыклыйлар.
12.08.2015
© Мәкаләгә (яңалыклар) бөтен хокуклар татар интернет-журналы «Кара Аккош»ка карый (karaakkosh.com). Язманы тулысынча яки өлешчә күчереп алганда татар-интернет журналы «Кара Аккош»ка (karaakkosh.com) туры сылтама кую мәҗбүри.
|
