Казан «Рубина»ының баш тренеры Ринат Билалетдинов, март аендагы өч җиңүдән соң (сезонның икенче өлеше башланганда), үз карьерасында беренче тапкыр, Россия футбол Премьер-Лигасында 2015 елның март нәтиҗәләре буенча айның иң яхшы тренеры дип танылды.
Ринат Саяровичка кадәр 2014/15 ел сезонында РФПЛ иң яхшы тренерлары булып танылганнар иде: Олег Кононов (август), Виктор Гончаренко (сентябрь) һәм ике тапкыр Рәшит Рәхимов (октябрь-ноябрь).
Искә төшерик, «Айның иң яхшы тренеры» призы РФПЛ тарафыннан «Ватан футбол тренерлары берләшмәсе» һәм «Наш футбол» телеканалы белән берлектә бирелә башлаган иде. Ул, жюри фикеренчә, һәр айда СОГАЗ-футбол буенча Россия Чемпионатында иң яхшы нәтиңәләргә ирешкән команда тренерына бирелә.
01.04.2015
© Мәкаләгә (яңалыклар) бөтен хокуклар татар интернет-журналы «Кара Аккош»ка карый (karaakkosh.com). Язманы тулысынча яки өлешчә күчереп алганда татар-интернет журналы «Кара Аккош»ка (karaakkosh.com) туры сылтама кую мәҗбүри.
|
