Бүген, С. П. Горбунов исемендәге Казан авиация заводы территориясендә Казан «Рубин»ы 2015/2016 еллар сезоны өчен өч төстән торган яңа форма копмлектларын тәкъдир итте: кызылы - үзебездәге ярышлар өчен, яшеле - читтә уйнау өчен һәм карасы - резерв өчен.
Модельләр сыйфатында команданың яшь уенчылары чыгыш ясады: капкачы - Тимур Акмурзин, сакчы - Гильермо Котуньо, Ярымсакчылар - Максим Батов белән Альберт Шәрипов.
Шушы чарада катнашучы күп кенә кунаклар тәбрикләү сүзләре әйттеләр, шулай ук команданың баш тренеры Ринат Билалетдинов Сәяр улы да котлады.
Презентация үткәрү мәйданының очраклы сайланмавын аерым әйтеп үтәргә кирәк, оештыручылар фикеренчә, алар, беренчедән: клубның барлыкка килү тарихын ассызыкларга омтылганнар (чөнки нәкъ менә шушында ярты гасыр элек «Искра» командасы төзелә, соңыннан ул «Рубин» дип үзгәртелә), ә икенчедән: үзебездә эшләнә торган Ту-22М һәм Ту-214 самолетлары фонындагы фотосессия, клуб составын формалаштырганда, Рәсәй һәм үзебездә тәрбияләнгән футболистларны туплауга юнәлдерелгән дигән фикерне үткәрергә тиеш була.
14.07.2015
© Мәкаләгә (яңалыклар) бөтен хокуклар татар интернет-журналы «Кара Аккош»ка карый (karaakkosh.com). Язманы тулысынча яки өлешчә күчереп алганда татар-интернет журналы «Кара Аккош»ка (karaakkosh.com) туры сылтама кую мәҗбүри.
|
