Узган атнада Федераль комиссия Татарстанда эшләячәк радиостанцияләргә FM диапазонында ешлык бирү буенча бәйге оештырган иде.
Аның нәтиҗәләре татар телле радиолар өчен булмады. Республикага тәгаенләнгән ике ешлык «Комсомольская правда» белән «Наше радио» га эләкте. Конкурста Татарстан республикасында!!! тапшырулар алып бару өчен татар телле радиостанцияләр дә катнашкан иде (алар арасында мәгълүм татар җырчысы Салават Фәтхетдинов проекты да бар иде).
Бу гаделсезлеккә Бөтендөнья Татар конгрессы җитәкчелеге каршы чыкты, ул үз сайтындагы мөрәҗәгатьтә түбәндәгеләргә чакырды:
1) Федераль комиссиянең хәзерге составын куып таратырга;
2) булган конкурс нәтиҗәләрен юкка чыгарырга;
3) Конкурсның яңа составы белән ешлыкларны кабат бүлү үткәрергә.
Йомгаклап әйткәндә, тагын бер кызыклы фактка игътибар итәргә кирәк: Татарстан Республикасындагы 27 радиостанциянең 3се генә татар телендә сөйли...
30.11.2014
© Мәкаләгә (яңалыклар) бөтен хокуклар татар интернет-журналы «Кара Аккош»ка карый (karaakkosh.com). Язманы тулысынча яки өлешчә күчереп алганда татар-интернет журналы «Кара Аккош»ка (karaakkosh.com) туры сылтама кую мәҗбүри.
|
