|
2014 елның 21 ноябрендә Татарстан Республикасы Казан шәһәрендә ел саен үткәрелә торган икенче «Türkvizyon» җыр бәйгесенең финалы булып узды, анда Айдар Сөләйманов «Атлар чаба» дигән татарча җыр башкарып, икенче урынны алды (201 балл).
Конкурсның җиңүчесе - 225 балл җыйнаган Казахстан вәкиләсе Җанар Дугалова булды, ул казах телендә «Ізін көрем» дигән җыр җырлады.
Шулай ук бу көнне ТӨРЕКСОЙда катнашучы илләр киңәшмәсендә киләсе елда конкурс булачак ил ачыкланды, ул Төрекмәнстандагы - Мары шәһәре.
Исегезгә төшерәбез, Европадагы конкурслардан аермалы буларак, «Türkvizyon» үткәрү өчен анда җиңүче ил булу мәҗбүри түгел, әмма аның өчен ил яки регионның төрек дөньясы башкаласы булуы кирәк.
22.11.2014
© Мәкаләгә (яңалыклар) бөтен хокуклар татар интернет-журналы «Кара Аккош»ка карый (karaakkosh.com). Язманы тулысынча яки өлешчә күчереп алганда татар-интернет журналы «Кара Аккош»ка (karaakkosh.com) туры сылтама кую мәҗбүри.
|
